“Milan” hujumchisi Rafael Leau kamdan kam futbolchida uchraydigan imkoniyatga ega. Ma’lumki, u klub hamda terma jamoa safida Zlatan va Ronaldu bilan birga o'ynash imkoniyatiga ega.

Leaudan ushbu kuchli hujumchilar ichida qaysi biri bilan o‘ynash afzalroq ekani haqida so'rashdi.

“Ronaldu va Ibrahimovich men alohida hurmat qiladigan futbolchilardan hisoblanadi. Men har doim ulardan biror nima o‘rganishga harakat qilaman.

Lekin Ronaldu bilan maydonda birga vaqt o‘tkazganimdan ko‘proq xursandman. Bu men juda yaxshi ko'radigan o‘yinchi, - deydi Leau Football Italiaga bergan intervyusida.

Ma’lumot uchun, Leau 2021/2022 yilgi mavsumda “Milan” safida 16 ta uchrashuv o‘tkazib, 5 ta gol urdi hamda 2 ta golli uzatmani amalga oshirdi.

• A Seriya
• Futbol