Krishtianu Ronaldu “Yuventus”ni sudga berishga tayyor.

Sababi, Turin klubi maxfiy kelishuv doirasida portugaliyalikka vaʼda qilingan 19,9 million yevroni (boshqa maʼlumotlarga koʻra, 19,6 million) haligacha toʻlamagan.

Tomonlar oʻrtasidagi mazkur bitim, 2022-yil 23-mart kuni tintuvlar chogʻida Turindagi advokat Federiko Restanoning ofisida topilgan edi. Toʻlov Krishtianu ketgan taqdirda ham toʻlanishi vaʼda qilingan.

Gap “Yuve”ning kovid davrida baʼzi futbolchilar bilan tuzgan kelishuvi haqida ketmoqda. Yaʼni ular bir muncha vaqt oʻtgach, norasmiy ravishda pul olish uchun maoshlarning qisqarishiga rozi boʻlishgan.

Eslatib oʻtamiz, 2018-yilning yozida Ronaldu “Yuventus” bilan yiliga 31 million yevro evaziga 3 yillik shartnoma imzolagan edi. 2021-yilning avgustida portugaliyalik Turin klubini tark etdi.

• Futbol
• Ronaldu
• Sud