“MYU” hujumchisi Krishtianu Ronaldu “Oltin toʻp” sovrini muassisi France Football gazetasi bosh muharriri Paskal Ferreni yolgʻonchilikda aybladi. Jurnalist oldinroq Ronalduning futboldagi asosiy maqsadi Messidan koʻproq “Oltin toʻp” olish ekani, bu haqda unga futbolchining oʻzi aytganini iddao qilgandi.

“Paskal Ferrening aytishicha, mening futboldagi maqsadim Lionel Messidan koʻproq «Oltin toʻp” olish ekan. U yolgʻon gapirgan. Shu tariqa oʻzi va gazetasini mashhur qilish haqida oʻylagan. Shunday qimmatli sovrinni topshiradigan inson France Football va “Oltin toʻp”ning qadrini tushiradigan bunday yolgʻon ishlatishi toʻgʻri emas. U bugun marosimga bormasligim sababini karantin bilan bogʻlab yana aldadi.

Sportda mahorati evaziga gʻalaba qozonadiganlarni doim tabriklab kelganman, chunki hech qachon kimgadir qarshi boʻlmadim. Futboldagi asosiy maqsadim klubim va milliy jamoam uchun sovrinlar yutish, professional futbolchi boʻlishni maqsad qilganlarga oʻrnak boʻlish va futbol tarixiga oʻz nomimni oltin harflar bilan yozib qoldirishdir.

Soʻzim oxirida aytmoqchimanki, hozir butun xayolim “MYU”ning keyingi oʻyiniga qaratilshan. Qolgani qiziq emas», deb yozgan Ronaldu Instagramdagi sahifasida.

• Futbol
• Xorij