Rossiya Federatsiyasi Islom dunyosi davlatlarining mustaqilligi va xalqaro huquq tamoyillariga sodiqligini yuksak qadrlaydi va Islom hamkorlik tashkilotiga a’zo davlatlar bilan munosabatlarni mustahkamlashga qat’iy qaror qiladi. Bu haqda Rossiya tashqi ishlar vaziri Sergey Lavrov Islom hamkorlik tashkiloti bosh kotibi Husayn Ibrohim Taha bilan uchrashuv chog‘ida aytib o‘tdi.

“Rossiya va Islom sivilizatsiyasi davlatlari uzoq yillik ishonchli sheriklar boʻlib, xavfsizlik, barqarorlikni taʼminlash, iqtisodiy muammolarni hal etishda hamkorlik qilmoqda... Biz IHT davlatlari bilan barcha sohalarda hamkorligimizni yanada mustahkamlash, sizning ijtimoiy-iqtisodiy munosabatlaringizga, siyosiy tuzilmalar va an’anaviy ma’naviy-axloqiy qadriyatlaringizga hurmat bilan qarashni maqsad qilganmiz”,– deydi u.

Lavrovning qoʻshimcha qilishicha, Rossiya “Gʻarbning bir tomonlama harakatlari bilan murakkablashgan” hozirgi keskin vaziyatda oʻz mustaqilligiga putur yetkazmaydigan va xalqaro huquq tamoyillariga sodiq qolgan Islom dunyosi davlatlarining mustaqil pozitsiyasini yuksak qadrlaydi.

O‘z o‘rnida Islom hamkorlik tashkiloti bosh kotibi Husayn Ibrohim Taha ham Rossiya musulmon davlatlari uchun muhim hamkor ekanini taʼkidlagan.

“Rossiya bizning eski do‘stimiz, munosabatlarimizning bugungi holatini ko‘rish uchun bugun bu yerga kelish imkoniga ega bo‘lganimdan juda xursandman. Biz iyun oyida uchrashganimizda vaziyat ancha murakkab edi, ammo hozir aytishimiz mumkinki, dunyo asta-sekin nima boʻlayotganini tushuna boshladi. Hozir esa bu Rossiyaga doʻstligimizni va munosabatlarimizni yanada rivojlantirish zarurligini aniq ifodalashimiz uchun ajoyib vaqt, deb hisoblayman”,–deydi IHT Bosh kotibi.

• IHT
• Rossiya
• Sergey Lavrov