Rossiya qurolli kuchlari bugun tongda Ukraina poytaxti Kiyevga raketa hujumlarini uyushtirdi. Bu haqda Kiyev meri Vitaliy Klichko ma’lum qildi.
Klichkoning aytishicha, uchib kelgan raketalarning barchasi urib tushirilgan, ammo raketalar qoldiqlari qulashi oqibatida 34 kishi jarohat olgan.
“Dnepr tumanida hozir 34 kishi jarohatlangan. Ularning 15 nafari kasalxonaga yotqizildi, 19 nafariga voqea joyida tibbiy yordam ko‘rsatildi”, — deb yozdi Klichko o‘zining Telegram kanalida.
Bundan tashqari, hujum ortidan Dnepr tumanidagi bolalar shifoxonasining oynalari singan va kirish joyi shikastlangan. Dastlabki ma’lumotlarga ko‘ra, shifoxonada jabrlanganlar yo‘q.
Kiyev harbiy ma’muriyati rahbari Sergey Popkoning xabar berishicha, raketa parchalari qulagan turar joy binosi hovlisida to‘rtta mashina yonib ketgan. Uyning balkonida yong‘in sodir bo‘lgan va 15 kishi evakuatsiya qilingan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!