Rossiya Tolibon diplomatini Afg‘onistonning Moskvadagi diplomatik missiyasi rahbari sifatida tan oldi. Endilikda Jamol Nosir Garxval Afg‘onistonning Muvaqqat ishlar vakili maqomiga ega.
Rossiya Tashqi ishlar vazirligi matbuot kotibi Mariya Zaxarova bu haqda gapirishga hali erta ekanligini aytgan.
Uning so‘zlariga ko‘ra, Tolibon TIV rossiyalik hamkasblarini elchi bo‘lib ishlagan Seyid Tayyib Javadning xizmat safari to‘xtatilgani va Garxvalning vaqtinchalik ishlar vakili sifatidagi vazifalarini bajarishi haqida xabardor qilgan.
Shunday qilib, Rossiya Tolibon bilan to‘laqonli diplomatik aloqalar o‘rnatgan Pokiston, Xitoy va Turkmanistondan keyin 4-davlat bo‘ldi.
Eslatib o‘tamiz, Rossiya Tolibonni mamlakatning qonuniy hukumati sifatida rasman tan olmagani bois “Elchi” atamasi o‘rniga “diplomatik missiya rahbari” degan jumlani qo‘llamoqda.
Maʼlumot uchun, avvalroq, Tolibonga qadar Afg‘onistonning Rossiyadagi Elchisi vazifasini bajarib kelgan Seyid Tayyib Javadning missiyasi yakuniga yetgani eʼlon qilingan va toliblar unga yangi lavozimga o‘tish uchun Afg‘onistonga qaytishni taklif qilgan, biroq u qanday qaror qabul qilishi hozircha nomaʼlum ekani aytilagn edi. .
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!