Rossiya Tergov qo‘mitasining Moskva viloyatining Istra shahri bo‘linmasi bergan xabarga k o‘ra, savdo do‘koniga bosqinchilik uyushtirib, sotuvchi ayolga og‘ir tan jarohati yetkazgan va oqibatda ayolning o‘limiga sabab bo‘lgan. Ular Rossiya Federatsiyasi Jinoyat kodeksining 162-moddasi 4-qismi va 111-moddasi 4-qismi bilan ayblanmoqda.
Tergov maʼlumotlariga ko‘ra, 2022-yil 9-fevral kuni tunda beysbol tayoqlari bilan qurollangan 4 nafar migrant do‘konga kirib kelgan. Bosqinchilar do‘kon boshlig‘i va uning rafiqasiga, shuningdek, sotuvchi-kassirga hujum qilgan.
Bosqinchilar ularni “bita”larda bir necha bor urishgan va kassadan 96 ming rublni o‘g‘irlab, jinoyat joyidan qochib ketishgan. Olgan tan jarohatlari oqibatida 51 yoshli sotuvchi-kassir voqea joyida vafot etgan. Do‘kon mudiri va uning rafiqasi esa kasalxonaga yotqizilgan.
Huquq tartibot organlarining tezkor-qidiruv tadbirlari natijasida gumondor to‘rt kishi – uch nafar bosqinchi va ularning haydovchisi qo‘lga olingan. Ularning 18-41 yoshlar oralig‘idagi Tojikiston fuqarolari ekanligi aytilmoqda.
Tergov qo‘mitasiga ko‘ra, tergov gumonlanuvchilarning Rossiyada bo‘lishi qonuniyligi tekshiriladi va ularning Moskva viloyatida bo‘lishi ustidan nazoratni baholaydi. Hozirda tergov hibsga olinganlarni shu kabi jinoyatlar uchun tekshirmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!