Joriy yil 29-aprel kuni Rossiyaning Samara bojxona o‘tkazish punktida 4ta qo‘ng‘ir ayiq bolasini mamlakatdan noqonuniy tarzda kontrabanda yo‘li bilan olib chiqib ketishga uringan o‘zbekistonlik fuqaro qo‘lga olindi.

Zita, Gita, Chuk va Gek laqabli 2 oylik ayiqchalar ortilgan avtomobil Orenburg viloyati Sagarchin qishlog‘i yaqinidagi Samara bojxonasi xodimlari tomonidan to‘xtatilgan. Ular qafaslarga joylangan bo‘lgan.  

Haydovchining Rossiya tabiatni muhofaza qilish xizmatining yirtqichlarni mamlakat hududidan olib chiqib ketishga ruxsatnomasi bo‘lmagan. Qo‘ng‘ir ayiq yo‘qolib ketish xavfi ostida turgan turdir, yovvoyi fauna va flora bo‘yicha xalqaro savdo konvensiyasiga muvofiq Qizil kitobga kiritilgan.

Hujjatlarga ko‘ra, ayiq bolalari sizranlik tadbirkor tomonidan O‘zbekiston fuqarosiga sovg‘a qilingan. U yirtiqchilarni Sizrandagi hayvonot bog‘idan O‘zbeistondagi sirkka olib ketayotgan bo‘lgan.

Mazkur holat yuzasidan Rossiya Jinoyat kodeksining 226-moddasi 1-qismi bilan tergov harakatlari olib borilmoqda.

• Ayiq
• Hayvon
• Rossiya
• Sirk
• Yirtqich