Rossiyaning “Gazprom” kompaniyasi rublda hisob-kitob qilmagani uchun Polsha (PGNiG) va Bolgariya (“Bulgargaz”)ga gaz yetkazib berishni to‘liq to‘xtatdi.

“Gazprom” bergan maʼlumotga ko‘ra, kecha, 26-aprel holatiga ko‘ra, 31-martdan buyon “Gazprom Eksport” aprel oyi uchun “Bulgargaz” (Bolgariya) va PGNiG (Polsha)dan gaz yetkazib berish uchun to‘lovlarni rublda olmagan.

“1-apreldan boshlab yetkazib berilgan gaz uchun to‘lovlar yangi rekvizitlardan foydalangan holda rublda amalga oshirilishi kerak, bu haqda kontragentlar o‘z vaqtida xabardor qilingan.

Shu munosabat bilan “Gazprom Eksport” kompaniyasi  “Bulgargaz” va “PGNiG”ni 27-apreldan belgilangan tartibda to‘lov amalga oshirilgunga qadar gaz yetkazib berishni to‘xtatib turish haqida xabardor qildi”, – deyiladi rus kompaniyasi xabarida.

“Gazprom”, shuningdek, mazkur davlatlar gaz eksportida tranzit mamlakatlar hisoblanishi, kompaniya mabodo ushbu davlatlar uchinchi mamlakatlarga mo‘ljallangan hajmlardan o‘zboshimchalik bilan gaz olsa, gaz hajmi shuncha miqdorda kamaytirilishini maʼlum qilgan.

• Bolgariya
• Eksport
• Gaz
• Gazprom
• Polsha
• Rossiya