Gap parvozi 2023-yildan so‘ng boshlanilishi kutilayotgan rus startapi bo‘lmish Hover uchuvchisiz dron-taksilari haqida bormoqda. Ushbu aerotaksilar joriy yilning boshida ommaga taqdim etilgandi. Endi ushbu taksidan foydalanish narxi ochiqlandi. Buni dron-taksilarni yaratish bo‘yicha kompaniya bosh direktori Aleksandr Atamanov tomonidan "Barkemp "Milliy texnologik inqilob 20.35" texnologiya va innovatsiya sohasi biznes-konferensiyasi doirasidagi savollarda ochiqlagan. Unga ko‘ra, aerotaksi foydalanuvchilari kilometriga 200 rubl (30 ming so‘m) to‘lov qiladilar.
Hover aerotaksilarining Moskva ustidan parvozi 2023–2025-yillarda ro‘y berishi rejalashtirilgan. Kompaniya dron-taksi ustida 2019-yildan buyon ishlamoqda, o‘shanda kompaniya 3 mln AQSH dollari qiymatidagi investisiya kiritgandi. O‘tgan yilgi navbatdagi investitsiya kiritishda startap 30 mln AQSH dollari sifatida baholandi.
Ma’lumot uchun, aerotaksi yerdan 150 m yuqorida parvoz etadi. Uning akkumulyatori yarim soatlik tinimsiz gorizantal parvozga yetadi. Atamanovning aytishiga ko‘ra, bu vaqt ichida istalgan megapolisni bosib o‘tish mumkin.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!