Prezident yordamchisi Saida Mirziyoyeva yil yakunida Prezident Administratsiyasida o‘quvchi yoshlar bilan uchrashdi.

“An’anaga ko‘ra, yil yakunida O‘zbekiston Prezidenti Administratsiyasida yurtimizning navqiron va bilimdon o‘g‘il-qizlari bilan uchrashdim”, – deydi Prezident yordamchisi.

Mirziyoyevaning so‘zlariga ko‘ra, 2023-2024 o‘quv yilida bu yoshlar nufuzli olimpiadalarda ajoyib natijalarga erishgan. Yil davomida ular 128 ta medal, jumladan, 15 ta oltin, 36 ta kumush va 77 ta bronza medallarini qo‘lga kiritgan. Ularning ko‘pchiligi asosan kimyo, matematika, fizika va informatika fanlari bo‘yicha ustunlik qilib, e’tirofga sazovor bo‘lgan.

“Bu O‘zbekiston tarixidagi rekord ko‘rsatkich bo‘lib, bundan barchamiz cheksiz faxrlanamiz”, – deydi Mirziyoyeva.

Shuningdek, u yoshlarni chin qalbidan tabriklab, bildirilgan ishonch va qo‘llab-quvvatlash uchun ustoz va ota-onalariga minnatdorlik bildirgan.

• Prezident Administratsiyasi
• Saida Mirziyoyeva
• uchrashuv