“Samarqand” xalqaro aeroportining yopilishi 15-dekabriga qadar uzaytiriladi. Bu haqda “Uzbekistan airports” AJ matbuot xizmati xabar berdi.

Qayd etilishicha, “Samarqand” xalqaro aeroportida yangi aerodrom kompleksi va yangi aeronavigatsiya uskunalarini foydalanishga tayyorlash bilan boʻliq ishlar davom ettirilmoqda. Shu munosabat bilan aeroportning yopilishi joriy yilning 15 dekabriga qadar uzaytiriladi.

Maʼlum qilinishicha, barcha aviareyslar respublikaning boshqa xalqaro aeroportlariga – “Navoiy”, “Buxoro”, “Qarshi” aeroportlariga yoʻnaltiriladi.

Keltirilishicha, Samarqandda 2022-yilda boʻlib oʻtadigan SHHT sammitiga tayyorgarlik doirasida yangi aerodrom kompleksi qurilishi davom etmoqda.

• Aeroport
• Samarqand