Birlashgan millatlar tashkilotining Butunjahon turizm tashkiloti (UNWTO) 2023-yilda Samarqand shahrida o‘tkaziladi. Bu haqda Turizm va sport vazirligi Matbuot kotibi ma’lum qildi. Xabar berilishicha, bu Madridda o‘tayotgan UNWTO’ning 24-sessiyasi doirasidagi ovoz berish jarayoni natijalariga ko‘ra ma’lum qilingan. 

Madrid shahrida o‘tgan tadbir doirasida 2023-yilda UNWTO Bosh assambleyasini o‘tkazish uchun O‘zbekiston va Portugaliya da’vogarlik qilgan. Tadbir yakuniga ko‘ra, O‘zbekiston yaqqol ustunlik bilan aksariyat ovoz to‘plab, 2023-yilgi Bosh assambleyani qadimiy Samarqand shahrida o‘tkazishga kelishilgan.

Eslatib o‘tamiz, 30-noyabr – 2-dekabr kunlari O‘zbekiston delegatsiyasi Ispaniya qirolligida bo‘lib turibdi. 24 sessiyada ishtirok etgan O‘zbekiston  delegatsiyasi tarkibidan Turizm va sport vazirligi, Madaniyat vazirligi, Samarqand viloyati hokimligi hamda O‘zbekistonning Ispaniya qirolligidagi elchixonasi vakillari o‘rin olgan.  

• BMT
• Samarqand
• Turizm
• UNWTO