Kecha, 1-oktyabr kuni tunda Samarqand davlat arxitektura-qurilish universitetida yong‘in sodir bo‘lgan edi. Mazkur holat bo‘yicha Samarqand viloyati FVB matbuot xizmati ma’lumot berdi.   

Qayd etilishicha, joriy yilning 1-oktyabr kuni soat 23:45 da Samarqand shahar Lolazor ko‘chasida joylashgan Samarqand Davlat Arxitektura-qurilish instituti hududida yangidan qurilayotgan (qurilishi tugallanmagan) faollar zalida yong‘in sodir bo‘lganligi to‘g‘risida viloyat FVB ga xabar berilgan.

Shunga ko‘ra, 6 ta yong‘in-qutqaruv ekipajlari jalb qilinib, voqea joyiga soat 23:54 da yetib borib, soat 00:30 da yong‘in to‘liq bartaraf etilgan.

Yong‘in natijasida eski qurilish mahsulotlari yonib zararlangan.

Hodisa oqibatida jabrlangan va halok bo‘lganlar yo‘q.

Hozirda tergovga qadar tekshirish ishlari olib borilib, yong‘inning kelib chiqish sababi aniqlanayotgani ma’lum qilindi.

• Institut
• Samarqand
• yong‘in