“Samarqand davlat universiteti faoliyatini yanada takomillashtirishga doir qo‘shimcha chora-tadbirlar to‘g‘risida”gi O‘zbekiston Respublikasi Prezidentining qarori e’lon qilindi.

Prezidentning tegishli qaroriga ko‘ra, Samarqand davlat universitetiga atoqli davlat va jamoat arbobi Sharof Rashidov nomi berildi, deya O‘zA xabar bermoqda.

Universitet tarkibida quyidagilar tashkil etildi:

- agronomiya, biotexnologiya va oziq-ovqat xavfsizligi sohalarida kadrlar tayyorlovchi Agrobiotexnologiyalar va oziq-ovqat xavfsizligi instituti;
- muhandislik, avtomatika, mexatronika, robototexnika, raqamli elektronika, elektrotexnika, mashinasozlik, materialshunoslik va yangi materiallar texnologiyasi sohalarida kadrlar tayyorlovchi Muhandislik fizikasi instituti;
- pedagogika, axborot texnologiyalari va hududda kadrlarga ehtiyoj yuqori bo‘lgan boshqa sohalarda kadrlar tayyorlovchi Universitetning Urgut filiali.

Qayd etilishicha, Samarqand davlat universitetida Transformatsiya ofisi tashkil etildi va u Universitetni kompleks rivojlantirish hamda 2026-yilga qadar xalqaro reytingda birinchi 1000 talik ro‘yxatga kiritishga mas’ul etib belgilandi.

• Prezident
• Qaror
• Samarqand
• Universitet