YTH avtobus haydovchisi Cobalt’ning holatini inobatga olmasdan tezlikni me’yoridan oshirib yuborib tormozni keskin bosishi oqibatida yuz bergan.

Kecha, 11-fevral kuni soat 7:00 lar atrofida Jomboy tumani Samarqand mahallasi hududidan o‘tuvchi M-39 avtomobil yo‘lining 1079-kilometrida yo‘lovchi tashish faoliyati bilan shug‘ullanuvchi “Zhong tong” rusumli avtobus harakatlanib kelayotib ko‘prik ustida yo‘l-transport hodisasiga uchragan.

“Aniqlanishicha, avtobus haydovchisi mazkur hududda YTHga uchragan Cobalt rusumli transport vositasining holatini inobatga olmasdan tezlikni me’yoridan oshirib yuborgan va tormozni keskin ravishda bosgan”, – deyiladi viloyat IIB yo‘l harakati xavfsizligi boshqarmasi axborot xizmati xabarida.

Baxtsiz hodisa oqibatda bir nafar yo‘lovchi tibbiyot birlashmasida hayotdan ko‘z yumgan. Holat yuzasidan Samarqand viloyati IIB huzuridagi tergov boshqarmasi tomonidan jinoyat ishi qo‘zg‘atilib, tergovoldi surishtiruv harakatlari olib borilmoqda.

• Avtobus
• Avtohalokat