Davlat xavfsizlik xizmatining Samarqand viloyati bo‘yicha boshqarmasi hamda Ichki ishlar organlari hamkorligida o‘tkazilgan tezkor tadbirda, Farg‘ona viloyatining Toshloq tumanida yashovchi, 1991-yilda tug‘ilgan fuqaro Urgut tumani “Do‘stlik” mahallasidagi xonadonlardan birini ijaraga olib, “hujra” tashkil qilganligi aniqlangan.

Aniqlanishicha, maxsus diniy ma’lumotga ega bo‘lmagan va tegishli ruxsatnoma olmagan mazkur shaxs moddiy manfaatdorlik evaziga, 2011–2016-yillar oralig‘ida tug‘ilgan 7 nafar o‘g‘il bolalarga noqonuniy diniy saboq berish bilan shug‘ullangan.

Hozirda unga nisbatan Jinoyat Kodeksining 2292-moddasi 2-qismi (diniy ta’limotdan saboq berish tartibini buzish) bilan jinoyat ishi qo‘zg‘atilib, “qamoq” ehtiyot chorasi qo‘llanildi. Tergov harakatlari olib borilmoqda.

• DXX
• Diniy ta'lim
• Qoidabuzarlik
• Samarqand