Samarqand viloyati Payariq tumanida sodir bo‘lgan yo‘l-transport hodisasi oqibatida ikki kishi hayotdan ko‘z yumgan. Bu haqda viloyat IIB YHXB axborot xizmati xabar berdi.

Ma’lum bo‘lishicha, Payariq tumanidagi ichki yo‘llarning birida harakatlanib ketayotgan Jiguli rusumli avtomashina haydovchisi boshqaruvni yo‘qotishi sababli, yo‘l-transport hodisasi sodir bo‘lgan.

YTH oqibatida haydovchi va bir nafar yo‘lovchi halok bo‘lgan.

Xabarga ko‘ra, YTH sodir bo‘lgan mahallada viloyat IIB YHXB boshlig‘i ishtirokida avtohalokat bo‘yicha muhokama yig‘ilishi bo‘lib o‘tgan.

• Qurbon
• Samarqand
• YTH