Internet tarmog‘i orqali biznes qilish niqobi ostida faoliyat yuritgan korxona faoliyatiga chek qo‘yildi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.

Qayd etilishicha, Departamentning Samarqand shahar bo‘limi tomonidan o‘tkazilgan tergovga qadar tekshiruvda, fuqaro M.A. va boshqalar “L.N.S.” xususiy korxonasini tashkil etishib, fuqarolarni internet tarmog‘i orqali biznes qilishga o‘rgatish niqobi ostida faoliyat yuritgan, ularga va’da qilingan mahsulotlarni yetkazib bermasdan yoki chet elga turistik sayohatlarni tashkil etmasdan jami 110 nafar fuqaroning 29 148 AQSh dollari va 349,1 mln so‘mini firibgarlik yo‘li bilan qo‘lga kiritganliklari aniqlangan.

Mazkur holat yuzasidan Jinoyat kodeksining 168-moddasi (firibgarlik) va 188-1-moddasi (pul mablag‘larini va (yoki) boshqa mol-mulkni jalb etishga doir noqonuniy faoliyat) bilan jinoyat ishi qo‘zg‘atilgan.

• Firibgarlik
• Internet
• Samarqand