“Bangladeshda samolyotning kollej va maktab hududiga qulashi oqibatida kamida 19 kishi halok bo‘ldi, 150 dan ortiq kishi jarohat oldi”, – deb yozadi TASS.

Ma’lumotlarga ko‘ra, Bangladesh harbiy-havo kuchlarining F-7 BGI o‘quv samolyoti Dakkadagi kollej va maktab kampusiga qulagan. Samolyot binolardan birining devoriga urilib, yonib ketgan.

Mahalliy matbuotning yozishicha, samolyot havoga ko‘tarilganidan 12 daqiqa o‘tib halokatga uchragan. Hodisa sabablari hozircha noma’lum.

Bangladesh hukumati qurbonlar tufayli 22-iyulni milliy motam kuni deb e’lon qildi. Shu kuni butun mamlakat bo‘ylab hukumat, jamoat va ta’lim muassasalari hamda Bangladeshning xorijdagi elchixonalarida davlat bayroqlari yarim hilpiraydi.

• Bangladesh