Samarqand viloyatining Urgut tumanida yo‘l-transport hodisasi sodir bo‘ldi. Bu haqda tuman hokimligi matbuot xizmati xabar berdi.

YTH 20-avgust kuni soat 00:36 atrofida Bog‘ishamol mahallasi hududidan o‘tuvchi 4R-47 avtomobil yo‘lining 59-kilometrida sodir bo‘lgan.

Erkak yo‘lning tartibga solinmagan qismini kesib o‘tgan. Shu payt uni katta tezlikda ketayotgan Malibu-2 haydovchisi urib yuborgan.

Fuqaro eng yaqin shifoxonaga yetkazilgan. Erkak unga ko'rsatilgan yordamga qaramay, "reanimatsiya"da vafot etdi.

Hozirda huquq-tartibot idoralari xodimlari tomonidan tergovga qadar tekshiruv ishlari olib borilmoqda.

• Avtohalokat
• Samarqand