Samarqandda oziq-ovqat xavfsizligi bo‘yicha xalqaro konferensiya o‘z ishini boshladi. Bu haqda Qishloq xo‘jaligi vazirligi xabar berdi. O‘zbekiston hukumati tomonidan BMT Oziq-ovqat va qishloq xo‘jaligi tashkiloti (FAO)ning texnik ko‘magida tashkil etilgan mazkur konferensiya 7-8-sentabr kunlari bo‘lib o‘tadi.

Tadbirda 15 ta mamlakat qishloq xo‘jaligi vazirlari, 8 mamlakatdan vazir o‘rinbosarlari, 13 mamlakatning yuqori darajadagi diplomatlari va 30 dan ziyod xalqaro hamda ilmiy tashkilotlar, shuningdek, moliya institutlari vakillari ishtirok etmoqda.

“O‘zaro muhokamalar, taklif-mulohazalar va bildirilgan tavsiyalar jamlanib, konferensiya yakunida Samarqand deklaratsiyasini qabul qilish ko‘zda tutilgan”, deyiladi xabarda.

Shuningdek, xalqaro qishloq xo‘jaligi tadqiqotlari bo‘yicha konsultativ guruh bilan birgalikda tashkil etiladigan davra suhbatida o‘zbekistonlik 200 nafar tadqiqotchi, shuningdek, 20 dan ziyod mamlakatdan 150 dan ortiq xorijiy olimlar qatnashishi rejalashtirilgan.

• Konferensiya
• Samarqand
• Xalqaro
• qishloq_xo‘jaligi