Samarqand viloyati Oqdaryo tumanida “Buxoro – Samarqand” yo‘nalishida harakatlanib kelayotgan “Lacetti” haydovchisi yo‘lda uxlab qolishi oqibatida YTH sodir bo‘lgan.

Ma’lum qilinishicha, M-37 avtomobil yo‘lining 44-kilometrida harakatlanib kelayotgan “Lacetti” yo‘lning o‘ng tarafida to‘xtab turgan yuk mashinasining orqasiga kelib urilib, yo‘l transport hodisasini sodir qilgan.

Oqibatda “Lacetti” haydovchisi va ikki yo‘lovchi olgan tan jarohatlari sabab voqea joyida vafot etgan. Bir yo‘lovchi esa shoshilich tarzda shifoxonaga yotqizilgan.

Hozirda holat yuzasidan Jinoyat kodeksining 266-moddasining 3-qismi bilan jinoyat ishi qo‘zg‘atilib, dastlabki tergov harakatlari olib borilmoqda.

• Lacetti
• Samarqand
• YTH
• Yuk_avtomobil