Bugun, 4-sentyabr kuni Samarqand davlat universiteti Kattaqo‘rg‘on filialida faollar zalida o‘tkazilayotgan tadbir vaqtida binoning beton plitasi talabalar ustida qulab tushgan.

Holat yuzasidan Kattaqo‘rg‘on shahar hokimligi rasmiy munosabat bildirdi.

“Samarqand Davlat universitetining Kattaqo‘rg‘on filiali binosidagi (sobiq litsey binosi) faollar zali shiftidagi beton plita noma’lum sabablarga ko‘ra joyidan siljib pastga tushgan. Voqea sodir bo‘lgan ya’ni, plita tushgan joyda talabalar bo‘lmaganligi sababli hech kimga jiddiy zarar yetmagan.

Faqat zalning birinchi qatorida o‘tirgan ikki nafar 1-bosqich talabalari yengil jarohat olgan va ayni damda shahar Tibbiyot birlashmasida tibbiy yordam ko‘rsatilmoqda. Ayni damda ishchi guruh tomonidan o‘rganish ishlari olib borilmoqda. O‘rganish natijasi yuzasidan qo‘shimcha ma’lumot beriladi”, – deyiladi hokimlik munosabatida.

• Samarqand
• Talabalar