Aeroflot havo kemasida tug‘ilgan o‘zbekistonlik bolaga oltin karta taqdim etildi. Bu haqda Aeroflot kompaniyasi axborot xizmati xabar bermoqda. 

Gap shundaki, joriy yilning 25-dan 26-noyabriga o‘tar kechasi Aeroflot kompaniyasining Sankt-Peterburgdan Namanganga yo‘l olgan navbatdagi reysi osmonga ko‘tarilishi bilan bort ichidagi xomilador ayolni muddatidan avval to‘lg‘oq tutgan. Havo kemasi komandiri samolyotni yaqin o‘rtadagi aeroportga qo‘ndirishga majbur bo‘ladi. Bu yerda bolani qo‘liga olgan ayolni tez yordam mashinasi olib ketadi.

Shu go‘dakka, kompaniya rahbariyatining qarori bilan, kompaniyaning abadiy oltin kartasi sovg‘a qilindi. Bu bolakayning butun umr Aeroflot xizmatlaridan foydalanishi mumkinligini anglatadi.

• Aeroport
• Aviaqatnov
• Namangan
• Rossiya