UFC jangchisi Arman Sarukyan, ushbu liganing yengil vazni kamar egasi Islom Maxachevga qarshi jangning sanasi va joyini bilishini ma’lum qildi. “UFC menga jangning joyi va sanasini aytdi. Hozircha bu ma’lumotdan biz va reklama boshliqlari xabardormiz. Ammo, bir hafta ichida bu jang rasman e’lon qilinadi”, – degan u TNT Sports telekanaliga bergan intervyusida.

Maxachevning MMA rekordi 26 ta g‘alaba bitta mag‘lubiyatni tashkil qiladi. Islom oxirgi uchta jangning ikkitasida Aleksandr Volkanovskini, yana birida esa Dastin Poryeni mag‘lub etgan. Sarukyan esa so‘nggi bor aprel oyida braziliyalik Charlz Oliveyra ustidan g‘alaba qozongan edi. Uning hisobida jami 25 ta jang va 22 ta g‘alaba mavjud.

Avvalroq, Maxachev Sarukyan bilan revanshga tayyorgarligini izohlagan edi.

Eslatib o‘tamiz, ushbu jangchilar o‘rtasidagi dastlabki jang Islom Maxachev g‘alabasi bilan yakunlangan.

• Islam Maxachev
• UFC