Serbiya prezidenti Aleksandr Vuchich o‘z mamlakatini Rossiya va AQSh prezidentlari Vladimir Putin va Donald Tramp o‘rtasidagi muzokaralari uchun taklif qildi.

“Men birinchi marta Serbiyani Rossiya va AQSh prezidentlari uchrashadigan hudud sifatida taklif qilmoqchiman”, – degan mamlakat rahbari.

Serbiya prezidentining so‘zlariga ko‘ra, mamlakat NATO va KXShT kabi harbiy bloklarga a’zo emas va bu muzokaralar uchun qulay bo‘lishi mumkin. Vuchich ikkala prezidentga ham to‘liq xavfsizlikni kafolatlashga tayyor. Bundan tashqari, prezident Trampni qo‘llab-quvvatlash bo‘yicha Serbiya bilan tenglashadigan mamlakat yo‘qligini ta’kidlagan. “Boshqa tomondan, bu Putin juda mashhur bo‘lgan mamlakat”, – degan Vuchich.

Avvalroq, Qo‘shma Shtatlar Rossiya va AQSh rahbarlarining uchrashuvi uchun tayyorgarlik ko‘rilayotganini ma’lum qilgan edi.

• AQSh
• Muzokara
• Putin
• Rossiya
• Serbiya
• Tramp