Bojxona qo‘mitasi Toshkent shahridagi “Inter logistics” MCHJga qarashli omborda sodir bo‘lgan yong‘in yuzasidan ma’lumot berdi.

Ushbu ombor tadbirkorlik subyektiga tegishli bo‘lib, Bojxona qo‘mitasi vakillari ham voqea joyida bo‘lib turishgani aytilmoqda.

Yong‘in sabablari tegishli idoralar bilan hamkorlikda o‘rganilib qo‘shimcha ma’lumot e’lon qilinadi.

Ushbu yong‘in oqibatida jarohatlanganlar Respublika shoshilinch tibbiy yordam ilmiy markazi va uning Toshkent viloyati filialiga olib borilgan.

SSV matbuot xizmatidan olingan ma’lumotga ko‘ra, hozirga qadar ular orasida o‘ta og‘ir tan jarohati olganlar yo‘q. Ayni paytda shifokorlar tomonidan jabrlanganlarga barcha kerakli tibbiy yordam ko‘rsatilayotgani aytilmoqda.

Davolash muassasalarida tezkor tibbiy yordam ko‘rsatish uchun shifokorlar va barcha zarur dori-darmon zahirasi yaratilgan. Yong‘in oqibatida voqea joyi va uning atrofidagi xonadonlarda jarohatlanganlarga ham shoshilinch tibbiy yordam ko‘rsatilmoqda.

Hodisa yuzasidan qo‘shimcha ma’lumot taqdim etamiz.

• Bojxona
• SSV
• Sergeli
• Toshkent
• portlash
• yong‘in