Bugun, 28-sentabr kuni Sergeli tumani "Quruvchilar" dahasida joylashgan omborxonalarning birida sodir bo‘lgan portlash oqibatida metro bekatlaridan biriga zarar yetgan. Bu haqda "Toshkent" metropoliteni DUK matbuot xizmati xabar berdi.

“Ushbu vaziyat yong‘in sodir bo‘lgan hududga yaqin bo‘lgan metropolitenning Yerusti halqa yo‘lining "Quruvchilar" bekatining me’moriy qismini yengil shikastlagan, ammo bu holat yo‘lovchi va poyezdlarning harakatiga ta’sir ko‘rsatmagan”, – deyiladi xabarda.

Hozirda barcha metro bekatlarida poyezdlar harakati belgilangan jadval asosida olib borilmoqda.

• Metropoliten
• yong‘in