Yaponiyaning imperatorlik oilasi vakili malika Mako oktyabr oyida oʻz kursdoshi Key Komuro bilan oila qurgan va malikalik maqomidan ayrilgan edi. Mako bugun turmush oʻrtogʻi bilan Yaponiyani tark etdi.

Juftlik Tokiodagi Xaneda aeroportidan AQShga uchib ketgan. Ular Key Komuro ishlaydigan Nyu-York shahrida yashashni reja qilganlar.

Key Komuro AQShda tahsil olgan va shu yerdagi kompaniyalardan biriga huquqshunos sifatida ishga kirgan.

Imperatorlik uyi qonun-qoidalariga koʻra, oila ayollari oddiy odamlar bilan turmush qursalar, oʻz maqomlaridan voz kechishlari kerak. Malika Mako sevgan odami bilan turmush qurish uchun 1,3 million AQSh dollari miqdoridagi boyligidan ham ayrilgan.

Mako va Key Komuro 2012-yilda tanishgan, ammo tanqidchilar Komuroni imperatorlik uyi vakilasiga munosib boʻlmagan nomzod sifatida qabul qilganlar. Shuning uchun ham yoshlarning toʻyi bir necha marta ortga surilgan.

• qiziqarli