O‘zbekiston Respublikasi Prezidenti Shavkat Mirziyoyev Hindiston Respublikasi Prezidenti Draupadi Murmu va Bosh vaziri Narendra Modini ushbu mamlakat mustaqilligining 75 yilligi munosabati bilan tabrikladi.

Qutlovlarda, jumladan, so‘nggi yillarda O‘zbekiston-Hindiston strategik sherikligi barcha ustuvor sohalarda izchil kengayib borayotgani qayd etilib, birgalikdagi sa’y-harakatlar bilan  hamkorligimiz kelgusida ham do‘st xalqlarimiz manfaatlari yo‘lida taraqqiy etib borishiga ishonch bildirilgan.

Shuningdek, Mirziyoyev Hindiston xalqiga tinchlik, ravnaq va farovonlik tilagan.

Ma’lumot uchun, Hindiston 1947-yil 15-avgust kuni Buyuk Britaniya mustamlakasidan chiqib, mustaqillikka erishgan. Joriy yilda mamlakat mustaqilligining 75 yilligini nishonlamoqda.

• Hindiston
• O‘zbekiston
• Shavkat Mirziyoyev
• Tabrik