Shavkat Mirziyoyevning Turkmanistonga rasmiy tashrifi davom etmoqda.
Kunning birinchi yarmida Ashxobodda O‘zbekiston rahbari turkmanistonlik hamkasbi bilan birinchi tor doirada, so‘ng kengaytirilgan tartibda juda mahsuldor muzokaralar o‘tkazdi.
O‘zbekiston-Turkmaniston munosabatlarining kun tartibidagi masalalarning keng doirasi: siyosiy, savdo-iqtisodiy, transport-logistika, madaniy-gumanitar hamkorlik muhokama qilindi.
Yakunda mamlakatlar o‘rtasidagi Strategik sheriklikni yanada chuqurlashtirish to‘g‘risida deklaratsiya va o‘ndan ortiq ikki tomonlama hujjatlar imzolandi.
Jumladan, yangi deklaratsiyada o‘zaro munosabatlarning bugungi holatiga yuksak baho berilgan, turli sohalardagi ikki tomonlama sheriklikni va xalqaro tashkilotlar doirasidagi hamkorlikni mustahkamlashga intilish har doimgidek qat’iyligi, O‘zbekiston-Turkmaniston munosabatlari chuqur siyosiy ishonchga asoslangani qayd etilgan. Parlamentlararo muloqotni faollashtirish, xavfsizlik, qishloq xo‘jaligi sohalarida hamkorlikni yangi sur’at bilan davom ettirish, mamlakatlar yuk tashuvchilari, hududlar o‘rtasidagi aloqalar uchun qulay sharoit yaratishga kelishib olingan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!