“Tata Steel Challengers 2025” musobaqasining 4-turida o‘zbekistonlik shaxmatchi Nodirbek Yoqubboyev o‘yin oldidan hindistonlik raqibining qo‘lini siqib qo‘yishi kerak edi. Ammo u bunday qilmadi. Ushbu voqea esa ijtimoiy tarmoqlarda juda ko‘p muhokamalarga sabab bo‘lmoqda. Holat bo‘yicha Yoqubboyevning o‘zi izoh berar ekan, buning sababi o‘z e’tiqodi ekanligini aytgan.

Yoqubboyev vaziyatni quyidagicha izohlagan: “Bugun, 26-yanvar kuni men bu haqda Irina Bulmagaga aytdim. U bunga rozi bo‘ldi. Ammo o‘yin zaliga kelganimda hakamlar menga hech bo‘lmaganda “Namaste” ishorasini ko‘rsatishimni so‘radi. Divya va Vaishali bilan o‘yinlarda e’tiqodim haqida o‘yindan oldin ayta olmadim va noqulay holat yuzaga keldi”.

Ma’lumot o‘rnida, Nodirbek Yoqubboyev ushbu bahsda hindistonlik raqibiga mag‘lub bo‘ldi. Shaxmatchi hozirda turnir jadvalida 10-o‘rinni qayd etib kelmoqda.

• Hindiston
• Shaxmat
• turnir