Bosh prokuratura huzuridagi Departamentning Shayxontohur tumani bo‘limi tomonidan o‘tkazilgan tezkor tadbirda qonunga xilof ravishda tamaki mahsulotlari bilan shug‘ullanib kelgan fuqaro J.A. Beruniy ko‘chasidagi umumiy ovqatlanish shoxobchasi oldida tashkil etgan noqonuniy savdo rastasida xaridor M.X.ga “Parlament” nomli aksiz markasiz tamaki mahsulotini sotgan vaqtida ushlanib, umumiy bahosi 64,3 mln so‘mlik turli nomdagi 1 843 quti tamaki mahsulotlari ashyoviy dalil sifatida olingan.

Mazkur holat yuzasidan Jinoyat kodeksining 186-1-moddasi (etil spirti, alkogolli mahsulot va tamaki mahsulotini qonunga xilof ravishda muomalaga kiritish yoki ishlab chiqarish) bilan jinoyat ishi qo‘zg‘atilib, tergov harakatlari o‘tkazilmoqda.

• Jinoyat
• O‘zbekiston
• Tamaki