Xitoy Xalq Respublikasi raisi Si Szinpin seshanba kuni Pekinda rasmiy uch kunlik tashrif bilan Xitoyda bo‘lgan Germaniya kansleri Olaf Sholsni qabul qildi.

Uchrashuv seshanba kuni tushdan keyin Pekindagi Diaoyutai davlat qarorgohida bo‘lib o‘tgan. Shols 14-16-aprel kunlari Xitoyda bo‘lib, u allaqachon Chongqing va Shanxay shaharlariga tashrif buyurgan.

Shuningdek, Shols Pekinda Xitoy Xalq Respublikasi Davlat Kengashi bosh vaziri Li Syan bilan muzokaralar olib boradi, unda savdo munosabatlari, Ukrainadagi mojaro va yaqin Sharqdagi vaziyatni muhokama qilish rejalashtirilgan.

Shols oxirgi marta 2022-yil noyabr oyida Xitoyga tashrif buyurgan edi. Germaniya hukumatining ta’kidlashicha, iqtisodiy munosabatlardan tashqari, geosiyosiy muammolar va barqaror rivojlanish strategiyalari hozirgi tashrifning diqqat markazida bo‘ladi.

• Falastin
• Germaniya
• Isroil
• Olaf Shols
• Si Szinpin
• Ukraina
• Xitoy