Surxondaryo viloyati davlat soliq xizmati organlari xodimlari tomonidan joriy yilning oʻtgan davrida alkogol mahsulotlari savdosi bilan shugʻullanayotgan tadbirkorlik shoxobchalarida oʻtkazilgan sayyor soliq tekshiruvlarida 20 ta qonunbuzarlik holati aniqlangan. Bu haqda Davlat soliq xizmati xabar berdi.

Jumladan, Termiz shahridagi savdo doʻkonlaridan birida aksiz markasidagi ichimlik sigʻimi miqdori asl hajmiga nisbatan kam miqdorda koʻrsatilgan qariyb 2 ming dona, umumiy hajmi 982 litr boʻlgan spirtli ichimlik sotuvga qoʻyilgan.

Shuningdek, Shoʻrchi tumanidagi tadbirkor A.S. ga qarashli doʻkonda eski aksiz marka bilan markalangan qiymati 7,2 mln. soʻmlik 231 dona spirtli ichimlik, 6 dona yaroqlilik muddati oʻtgan alkogol mahsulotlari sotuvga qoʻyilganligi aniqlangan.

Maʼlum qilinishicha, yuqoridagi holatlarda mahsulotlar masala qonuniy hal boʻlgunga qadar vaqtincha olib qoʻyilgan.

• Soliq
• Surxondaryo