“Sony“ning sobiq prezidenti va bosh direktori Nobuyuki Idei 84 yoshida vafot etdi. Bu haqida korporatsiyaning rasmiy saytida maʼlum qilingan.

Xabar berilishicha, tadbirkor 2 iyun kuni Tokioda vafot etgan. Oʻlim hodisasiga jigar yetishmovchiligi sabab boʻlgani aytilgan.

Idei “Sony” korporatsiyasida 1960 yildan ishlay boshlagan, oradan 35 yil oʻtib korporatsiya prezidenti lavozimini egallagan. Oradan 3 yil oʻtib bosh direktor sifatida ish boshlagan, 2000 yilda esa direktorlar kengashi raisi etib saylangan. Tadbirkor ushbu lavozimda 5 yil davomida faoliyat olib borgan.

Taʼkidlanishicha, Nobuyuki Idei soʻnggi yillarda korporatsiyani raqamlashtirish ustida faol ish olib borgan. Bundan tashqari, Idei hukumat iltimosiga koʻra Yaponiyaning IT-strategiyalari boʻyicha kengash raisi sifatida ish olib borgan.

• Sony
• Yaponiya