Buyuk Britaniya bosh vaziri Rishi Sunak Nyu-Dehlidagi G20 sammiti arafasida hindistonlik mavqedoshi Narendra Modini Ukrainadagi mojaroga chek qoʻyishda Hindistonning oʻz taʼsiridan foydalanishga chaqiradi. Bu haqda Financial Times gazetasi xabar berdi.
Hindiston G20'ga 2022-yil 1-dekabrdan beri raislik qilmoqda. Guruh sammiti 9-10 sentyabr kunlari Nyu-Dehlida boʻlib oʻtadi. Unga katta yigirmatalik davlatlari va yana to'qqiz davlat - Bangladesh, Misr, Ispaniya, Mavrikiy, Nigeriya, Niderlandiya, Birlashgan Arab Amirliklari, Ummon va Singapur rahbarlari taklif etilgan. Sammitda Rossiya delegatsiyasiga tashqi ishlar vaziri Sergey Lavrov, Xitoy delegatsiyasiga esa Xitoy Xalq Respublikasi Davlat kengashi Bosh vaziri Li Tsyan boshchilik qiladi.
"Biz Modi bilan uchrashuvlardan... ularni (hindistonliklar - tahr.) o‘z ta'sirlaridan foydalanishga undash uchun foydalanamiz", degan Britaniya Bosh vazirining matbuot kotibi gazetaga.
Shuningdek, Sunak, Modini "faolroq diplomatik pozitsiyani egallashga chaqiradi", deydi Dauning-strit.
Shu bilan birga, vakil Britaniya Bosh vaziri Londonning Kiyevni qo'llab - quvvatlashini ta'kidlash uchun "barcha imkoniyatdan" foydalanishini qo'shimcha qildi.
Boshqa narsalar qatori, tomonlar ikki davlat muzokaralar olib borayotgan savdo bitimi bo'yicha erishilgan yutuqlarni muhokama qiladi.
Avvalroq Monde gazetasi Narendra Modi o‘z qo‘l ostidagilariga Fransiya bilan birgalikda Ukrainadagi mojaroni hal qilish rejasi ustida ishlashni boshlashni ko‘rsatganini yozgan edi. Qayd etilishicha, mazkur reja Xitoy va janubiy davlatlar tomonidan ilgari surilgan tashabbuslardan farq qiladi. Bundan tashqari, maqolada aytilishicha, Hindiston rahbari Ukraina mojarosida vositachi rolidan qochadi.
Modining o‘zi Rossiya prezidenti Vladimir Putin va Ukraina rahbari Volodimir Zelenskiyga mamlakati mojaroga barham berishga yordam beradigan barcha “samimiy” sa’y-harakatlarni qo‘llab-quvvatlashga tayyorligini aytgan edi. U barcha mamlakatlar boshqa davlatlarning suvereniteti va hududiy yaxlitligini hurmat qilish, xalqaro huquq me’yorlariga rioya qilish majburiyatini olganini ta’kidladi. Modining soʻzlariga koʻra, Hindiston Ukrainadagi mojaroning butun dunyoga, xususan, global janubiy mamlakatlarga taʼsiridan ham xavotirda.
Avvalroq Kreml Ukrainadagi vaziyatni tinch yo‘lga o‘tkazish uchun hech qanday shart-sharoit yo‘qligini, Rossiya uchun mutlaq ustuvorlik maxsus operatsiya maqsadlariga erishish ekanini, hozircha bu faqat harbiy yo‘l bilan amalga oshirilishini ta’kidlagan edi. Ularning qo‘shimcha qilishicha, Rossiya Federatsiyasi Ukrainadagi urushni tinch yo‘l bilan hal qilishga urinayotgan barcha davlatlarning sa’y-harakatlarini yuqori baholaydi, ammo hozircha buning iloji yo‘q.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!