Oʻzbekiston Professional futbol ligasi hamda Oʻzbekiston futbol assotsiatsiyasi 2022-yilgi mavsum taqvim rejasi boʻyicha kelishib oldi.
Shundan kelib chiqib, 10-fevral kuni yangi mavsumga qurʼa tashlanadi.
Qayd etilishicha, uchrashuvlar sanalariga oydinlik kiritilishi uchun dastavval OFK taqvim rejasini kutishga toʻgʻri kelgan.
Endilikda Chempionlar ligasi, OFK kubogi, Osiyo chempionati U23, Osiyo kubogining saralash musobaqalari qaysi sanalarga toʻgʻri kelishi maʼlum boʻlib ulgurgan.
Yangi mavsum odatga koʻra Superkubok uchrashuvi bilan start oladi. Oʻzbekiston chempioni sifatida “Paxtakor”, kubokning amaldagi sohibi sifatida “Nasaf” jamoalari toʻqnash keladigan Superkubok 27-fevral — yakshanba kuni boʻlib oʻtadi.
Mazkur bellashuvga mezbonlik qiladigan stadion masalasida OʻzPFL oʻz rejasiga ega. Faqatgina masala ikki taraf oʻrtasida hal etilgach, stadion nomiga aniqlik kiritib oʻtiladi.
Superliga esa 2-mart sanasidan eʼtiboran start oladi. Chempionlar ligasida Oʻzbekiston sharafini himoya qilayotgan klub(lar) guruh bosqichi uchrashuvlarida ishtirok etayotgan bir vaqtda qolgan jamoalar Oʻzbekiston kubogining guruh bosqichida qatnashadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!