Suriyaning yangi hukumati Rossiya rahbari Vladimir Putindan sobiq prezident Bashar Asadni sud jarayoni uchun ekstraditsiya qilishni so‘radi.

Rasmiy so‘rov Suriya prezidenti va “Hay’at Tahrir ash-Shom” guruhi yetakchisi Ahmad ash-Shar’a nomidan Moskvaga yuborilgan. “Bungacha Bashar Asad Moskvaga yuborgan mablag‘larni qaytarish so‘ralgan edi”, – deya xabar bermoqda Reuters.

Rossiya delegatsiyasining yaqinda Damashqdagi tashrifida Asadlar oilasining Rossiya aktivlariga hech qanday sarmoyasi yo‘qligi haqida ma’lumot berilgan.

“Ushbu uchrashuv davomida Suriya vakillari Asadni mamlakatda sud qilish uchun Moskvaga topshirish masalasini yana ko‘targan”, – deb yozadi Al Arabiya.

Biroq uch soat davom etgan muzokaralardan so‘ng, Rossiya tomoni Asadni ekstraditsiya qilish masalasi “ikki davlat o‘rtasidagi munosabatlarni tiklash uchun yengib bo‘lmas to‘siq emasligi”ni ta’kidlagan.

20-mart kuni Putin Al-Jo‘loniyga hamkorlikni davom ettirish taklifi va uning “vaziyatni barqarorlashtirish bo‘yicha sa’y-harakatlarini” qo‘llab-quvvatlash mazmunidagi maktubni yo‘llagan. Gap Suriyada hukumat qo‘shinlari va Asad tarafdorlari hisoblangan alaviylar o‘rtasida yuz bergan qurolli to‘qnashuvlar haqida ketmoqda. Mart oyi boshida Suriyaning shimoliy viloyatlarida bo‘lib o‘tgan ushbu janglarda mingdan ortiq tinch aholi halok bo‘ldi.

Suriyaning yangi mudofaa vaziri Murxaf Abu Kasra Rossiyaning Tartus va Xmeymimdagi harbiy bazalari masalasida Rossiya Suriyaga zarur bo‘lgan narsani, masalan, Moskvada yashiringan Asadni taklif qilsa, obyektlarni saqlab qolishi mumkinligini aytgan.

Ma’lumot uchun, Bashar Asad oilasi bilan Moskvadan siyosiy boshpana topgan va u yerda istiqomat qilmoqda.

• Muzokara
• Putin
• Rossiya
• Suriya