Joriy yilning 7-sentabr kuni tonggi soat 05:08 da “Sariosiyo” chegara bojxona posti orqali respublikaga kirib kelgan va hujjatlarga koʻra boʻsh holatda boʻlgan yuk mashinasiga yashirilgan 69,2 kg giyohvandlik vositalari ushlandi. Bu haqda viloyat bojxona boshqarmasi xabar berdi.

Maʼlumotlarga koʻra, yuk mashinasi tekshirilganda avtomobil kabinasiga 66 oʻramda giyohvandlik moddalari yashirilgani aniqlangan. Oʻramlar ochib koʻrilganda ularning 30 tasida 31,9 kilogramm “geroin”, 36 tasida esa 37,3 kilogramm ogʻirlikdagi “gashish” giyohvandlik vositasi joylangani fosh boʻlgan.

Ushbu holatda jami giyohvandlik vositalarining ogʻirligi oʻrami bilan hisoblaganda 69,2 kilogrammni tashkil etgan.

• Bojxona
• Giyohvandlik