Xitoyning Jiangsu World Group korporatsiyasi Surxondaryo viloyatidagi paxta yetishtirish va qayta ishlash bo‘yicha avtomatlashtirilgan korxonalarga 95 million dollar sarmoya kiritishni rejalashtirmoqda. Bu haqda viloyat hokimligi xabar berdi.

Paxta dalalari va tolalarni qayta ishlash zavodlari 20 ming gektar maydonni egallaydi. Investitsiya loyihasi tafsilotlari Xitoy delegatsiyasining viloyat hokimi Ulug‘bek Qosimov bilan uchrashuvida muhokama qilindi. Tomonlar loyihaning texnik-iqtisodiy asoslarini ishlab chiqish va tegishli yer uchastkalarini tanlash to‘g‘risida kelishib oldilar.

Jiangsu World Group qishloq xo‘jaligi va qurilish texnikalarini ishlab chiqarishga ixtisoslashgan. Korporatsiya Osiyo, Yevropa va Amerika agrosanoat korxonalariga mahsulot yetkazib beradi.

• O‘zbekiston
• Paxta
• Surxondaryo
• Xitoy