Surxondaryo viloyati hokimi Ulug‘bek Qosimovning 2025-yil 20-yanvarda imzolangan 14-yanvar – Vatan himoyachilari kuni munosabati bilan o‘rinbosarlari hamda shahar va tuman hokimlarini mukofotlash uchun 661 million so‘m ajratish haqidagi farmoyishi bekor qilindi. Bu haqda viloyat hokimligi axborot xizmati xabar berdi.

Ushbu farmoyish jamoatchilikning keng e’tirozlariga sabab bo‘lganligi boisidan bekor qilingan.

“Ijtimoiy tarmoqlar orqali Surxondaryo viloyati hokimining o‘rinbosarlari hamda shahar va tumanlar hokimlarini rag‘batlantirish to‘g‘risida qabul qilingan 2025-yil 20-yanvardagi 12-8-0-F/25-sonli farmoyishi yuzasidan turli postlar e’lon qilindi.

Mazkur farmoyish qayta ko‘rib chiqilib, bekor qilingan. Mablag‘lar “Kambag‘allikdan farovonlik sari” dasturiga yo‘naltirilishi belgilanmoqda”, – deyiladi hokimlik xabarida.

• Farmoyish
• Mukofot
• Qaror
• Surxondaryo
• hokim