Bosh prokuratura huzuridagi Departamentning Muzrabot tumani bo‘limi tomonidan o‘tkazilgan tergovga qadar tekshiruvda, fuqaro M.R. o‘ziga tegishli novvoyxonada tijorat maqsadida umumiy foydalanishdagi tabiiy gaz tarmog‘iga o‘zboshimchalik bilan to‘g‘ridan to‘g‘ri ulanib, 160,1 mln so‘mlik tabiiy resurslardan noqonuniy foydalanganligi aniqlangan.

Shu kabi, Departamentning Oltinsoy tumani bo‘limi tomonidan o‘tkazilgan tergovga qadar tekshiruvda “J.I.” MCHJ rahbari H.Q. aholiga suyultirilgan gaz tarqatish shoxobchasida tijorat maqsadida umumiy foydalanishdagi elektr tarmog‘iga o‘zboshimchalik bilan to‘g‘ridan to‘g‘ri ulanib, 62,9 mln so‘mlik energiya resurslaridan noqonuniy foydalanganligi aniqlangan.

Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda.

• Elektr energiyasi
• O‘zbekiston
• Surxondaryo