Surxondaryo viloyati joylashgan avtomobillarga tabiiy gaz to‘ldirish shoxobchalariga vaqtinchalik cheklovlar joriy etildi. Bu haqda viloyat hokimligi matbuot xizmati xabar berdi.

Qayd etilishicha, aholi va ijtimoiy soha ob’yektlarini tabiiy gaz bilan ta’minlash maqsadida Surxondaryo viloyatida joylashgan avtomobillarga gaz qo‘yish kompressor shoxobchalari (AGTKSH)ga yetkazib berilayotgan tabiiy gaz ta’minotini vaqtinchalik cheklash bo‘yicha reja-jadval tasdiqlangan.

Rejaga ko‘ra, belgilangan AGTKSH juft kunlarida soat 07:00 dan 15:00 ga qadar, ayrimlari esa toq kunlarida soat 07:00 dan 15:00 ga qadar tabiiy gaz bilan ta’minlanishi belgilangan.

“Hurmatli iste’molchilar, amaliyotga joriy etilayotgan choralar vaqtinchalik bo‘lib, munosib shart-sharoit paydo bo‘lishi bilan barcha AGTKSH odatdagi ish tartibiga qaytadi. Noqulayliklar uchun barcha iste’molchilardan uzr so‘raymiz”, – deyiladi xabarda.

• Gaz shaxobchasi
• Surxondaryo