Surxondaryo hokimi Jarqo‘rg‘on tumanida patronaj hamshiralariga skuterlar va patronaj sumkalari sovg‘a qildi. Bu haqda viloyat hokimligi ma’lum qildi.

Surxondaryo viloyati hokimi Ulug‘bek Qosimov ijtimoiy sohada amalga oshirilayotgan ishlar, ta’lim, tibbiyot maskanlari, mahalla “yettiligi” faoliyati, “Sayhunobod tajribasi”ni joriy etish tadbirlarining borishi bilan tanishish maqsadida Jarqo‘rg‘on tumaniga tashrif buyurgan.

Viloyat rahbari hudud aholisi tarqoq joylashganligi, patronaj xizmati ko‘rsatishda qiyinchiliklar yuzaga kelayotganligi sababli birinchi marta tajriba sifatida patronaj hamshiralariga skuterlar va patronaj sumkalarini topshirdi.

Bundan tashqari, patronaj hamshiralariga UzGPRS tarmog‘iga ulangan planshetlar topshirilgan. Shu yerning o‘zida ushbu planshetlarning afzallik va qulayliklari taqdimot qilingan. Hamshiralarning kunlik ishlari, kirilgan xonadonlar, ularda aniqlangan kasalliklar ko‘rsatkichlari onlayn tizimga kiritilib boriladi.

Ushbu ma’lumotlar 6 oy davomida saqlanadi va patronaj hamshiralarining ish faoliyati samaradorlik ko‘rsatkichlarini shu orqali baholash imkoniyati yaratiladi.

• Skuter
• Surxondaryo
• hamshira