Fuqaroning uyiga oʻgʻirlikka tushgan ikki turmush oʻrtoq ushlanib, ulardan ashyoviy dalillar olingan.

Termiz tumanining “Navroʻz” mahallasida yashovchi, R.Z tuman IIBga ariza bilan murojaat qilib, unda uyidan 3 mln. soʻmlik 1 dona “Royson” rusumli muzlatgichini nomaʼlum shaxslar oʻgʻirlab ketganligini bildirgan.

Ichki ishlar organlari xodimlari tomonidan koʻrilgan choralar natijasida, ushbu oʻgʻirlik jinoyatini, Termiz tumanida istiqomat qiluvchi J.Sh. va turmush oʻrtogʻi, V.S.lar sodir etganligi aniqlangan.

Shundan soʻng, oʻgʻirlik sodir etgan shaxslar ushlangan va ulardan ashyoviy dalil olingan.

Maʼlum qilinishicha, J.Sh. va V.S.ga nisbatan Oʻzbekiston Respublikasi Jinoyat kodeksining 169-moddasi 2-qismi “v” bandi bilan jinoyat ishi qoʻzgʻatilgan.

• IIB
• Surxondaryo