“O‘zenergoinspeksiya” Surxondaryo viloyat hududiy boshqarmasi, IIB va gaz ta’minoti korxonasi hamkorligida o‘tkazilgan nazorat tadbirida Jarqo‘rg‘on tumanida yakka tartibdagi tadbirkor M.D.ga qarashli qandolat mahsulotlarini ishlab chiqarish sexida hisoblagichsiz, tabiiy gazdan noqonuniy foydalanib kelayotganligi aniqlangan.

Ushbu qoidabuzarlik natijasida dastlabki hisob-kitoblarga ko‘ra gaz ta’minoti korxonasiga 1 milliard 17 million so‘mlik zarar yetkazilganligi ma’lum bo‘ldi.

Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.

• Gaz
• Qoidabuzarlik
• Surxondaryo