Surxondaryo viloyati Denov shahridagi savdo majmuasida 7 dekabr kuni tongga yaqin chaqnash yuzaga keldi. Bu haqda avvalroq xabar berilgandi. Favqulodda vaziyatlar vazirligi axborot xizmati voqea yuzasidan qo‘shimcha ma’lumotlar berdi.

Xabarga ko‘ra, Denov shahri Mustaqillik ko‘chasida joylashgan 2 qavatli “Indenim” savdo majmuasi binosida gaz-havo aralashmasi bilan bog‘liq chaqnash yuzaga kelgan. Chaqnash natijasida sodir bo‘lgan yong‘in 28 daqiqa mobaynida FVV kuch-vositalari tomonidan o‘chirilgan.

FVV olib borgan qidiruv ishlari natijasida vayrona bo‘lgan bino ostidan bir nafar halok bo‘lgan fuqaro aniqlangan. Tan jarohati olgan 9 nafar fuqaro esa shahar shifoxonasiga yotqizilgan. 

Eslatib o‘tamiz, voqea yuzasidan bosh vazirning birinchi o‘rinbosari A.Ramatov boshchiligidagi Hukumat komissiyasi safarbar etilgan. Hozirda dastlabki tergovoldi surishtiruv ishlari olib borilmoqda.

• FVV
• O‘zbekiston
• Termiz
• fojea
• yong‘in