Vengriya poytaxti Budapesht shahrida suv sporti turlari boʻyicha oʻtkazilayotgan jahon chempionatida hamyurtimiz Aleksey Tarasenko Oʻzbekiston rekordini yangiladi.

100 metr masofaga erkin usulda suzish musobaqasida bahslarga kirishgan sportchimiz belgilangan masofani 49.35 soniyada suzib oʻtib, avvalgi rekord koʻrsatkichni 0.10 soniyaga yaxshilashga muvaffaq boʻldi.

Ushbu koʻrsatkich Tarasenkoni yarim final bahslariga chiqishi uchun biroz kamlik qildi va shu tariqa, Aleksey Budapesht shahrida oʻtkazilayotgan jahon chempionatidagi ishtirokini yakunladi.

Maʼlumot uchun, 100 metr masofaga erkin usulda suzish boʻyicha Oʻzbekistonning avvalgi rekordi terma jamoamizning yana bir tajribali sportchisi Xurshid Tursunovga tegishli edi.

• O‘zbekiston
• Suv sporti
• rekord